Qon bosimingiz pasayib ketishning oddiy yechimi
Shunday insonlar borki, ularda past qon bosimi vegetativ asab tizimiga xos tug‘ma xususiyat hisoblanadi. Qon bosimi o‘lchanganda, raqamlar 105/70 ko‘rsatkichidan past darajani ko‘rsatsa, bu – gipotoniya deb ataladi. Uning alomatlari – bosh aylanishi hamda og‘rishi, ko‘ngil aynishi, umumiy holsizlik.
Past qon bosimi ko‘pincha yurak sohasidagi yetishmovchilik belgisi hisoblanadi. Bunda qon yaxshi aylanmaydi hamda tomirlar bo‘shashadi. Bunday holatlar yurakning yallig‘lanish – endo va miokarditlar fonida yuzaga keladi. Quiydagi tavsiyamiz sizga asqatishi mumkin:
- Jenshen tindirmasi tetiklashtirish xususiyatiga ega, yurak ishini yaxshilaydi. Qon bosimi pasayib ketganda 2 hafta davomida kuniga 3 mahal 15-25 tomchidan qabul qiling. Dozasi oshib ketmasligi kerak. Aks holda, uyqusizlik, bosh og‘rig‘i kelib chiqishi mumkin.
- Yarim choy qoshiq zanjabil kukunini achchiq damlangan 1 stakan shirin choyga aralashtiring. 1 hafta davomida 3 mahaldan ichasiz. Dozasi oshib ketmasin!
Nodira HAMROYEVA,
oliy toifali shifokor-terapevt
