Parodontoz nasl suradimi?
Haqiqatan ham parodontoz kasalligi nasl surishi mumkin. Agar farzandlaringiz sog‘ligidan xavotirda bo‘lsangiz, ularga kichikligidan gigiyena qoidalariga amal qilishni o‘rgating. Chunki mazkur kasallik tish gigiyenasiga amal qilmaganlar orasida ko‘proq kuzatiladi. Shuningdek, vitamin V va S yetishmovchiligida ham parodontozga yo‘liqish mumkin. Stomatolog ko‘rigidan so‘ng antibakterial dori vositalari va vitaminlar bilan terapiya tavsiya etilgan bo‘lishi kerak. Barcha ko‘rsatmalarga rioya qilsangiz, parodontoz asoratlaridan xoli bo‘lasiz.
