Болалар тирноғи эт ичига ўсса…
Болалардаги тирноқнинг эт ичига қараб ўсишини кўпинча нотўғри танланган пойабзал туфайли келиб чиқади, деб ўйлашади. Бу ҳам асосий омиллардан бири. Шунингдек, тирноқни нотўғри олиш, яъни ойсимон шаклда калталатиш ҳам тирноқ тузилишига таъсир этиши мумкин. Ҳозирда болалар орасида тирноқнинг инфекцион замбуруғли касалликлари учраб турибди. Бу ҳам тирноқ шаклини ўзгартиради. Агар тирноқ ичига ўсиб кетган бўлса, лазер ёрдамида коррекция қилинади. Ҳозирда махсус пластинкалар ҳам қўлланилаётган бўлиб, тирноқнинг этга қараб ўсишидан ҳимоялайди. Касаллик тўғри даволанилса, кейинчалик қайталанмайди. Бу ҳолатнинг наслий мойиллиги борлигини ҳам унутмаслик керак.
