Tozalash vositasidan zaharlanish mumkinmi?
Ko‘pchilik uy bekalari vannadagi kafellarni tozalashda tarkibida xlor bo‘lgan vositadan foydalanganda o‘z-o‘zidan yo‘tal boshlanishi va ko‘krak qafasida og‘riq paydo bo‘lishidan shikoyat qilishadi. Ko‘pincha ular tunda tomog‘i qichishib, yo‘tal bezovta qilgani bois shifokorga murojaat qilishadi.
Bunday holatda xlor eritmasi asosida tayyorlangan tozalash vositasi bilan zaharlanish kuzatiladi. Albatta, shifokor-allergolog ko‘rigidan o‘tish lozim. Bezovtalik kuchaymasligi uchun vaqtinchalik tozalash vositalaridan foydalanmay turish zarur. Uxlayotganda namlangan lattani derazaga tutib qo‘yilsa, xonadagi chang zarralari nafas yo‘llarini ta’sirlantirmaydi.
Nodira HAMROYEVA,
terapevt
