TIKA O‘zbekistonga 50 ta tez tibbiy yordam mashinasi va 20 ta mobil ofis avtobusi ajratdi
Turkiya parlamenti delegatsiyasining tashrifi doirasida Turkiya hamkorlik va muvofiqlashtirish agentligi (TIKA) tomonidan yurtimiz aholisiga sifatli tez tibbiy yordam va davlat xizmatlari ko‘rsatish maqsadida 50 ta tez tibbiy yordam mashinasi va 20 ta mobil ofis avtobusi ajratildi.
Zamonaviy reanimobillar aholiga shoshilinch tibbiy yordamni tez va sifatli ko‘rsatishda muhim o‘rin tutadi. Zarur moddiy-texnik bazaga ega, quyosh panellari bilan ta’minlangan 20 ta mobil ofis avtobusi qator davlat xizmatlarini bevosita joylarda, qolaversa, FHDYo va notarius xizmatlarini ko‘rsatish imkonini beradi.
