Оромбахш таомнома
Афинадаги Жамоатчилик университети олимлари кекса ёшдаги кишилар махсус Ўртаер денгизи минтақаси парҳезига риоя қилсалар тунги уйқуси меъёрда бўлишини таъкидлашмоқда.
Мутахассислар 65 ёш ва ундан катта ёшдаги инсонлар ушбу парҳезнинг асосини ташкил қилувчи мавсумий мевалар, балиқ ва зайтунни мунтазам равишда истеъмол қилишни тавсия этишмоқда.
Бундай хулосага келиш учун экспертлар 1650 нафар ёши улуғ инсонларда сўров ўтказиб, уларнинг қай даражада ушбу парҳезга риоя қилишларига аниқлик киритдилар. Шундан кейин олимлар иштирокчиларнинг кейинги ойда уларнинг қай даражада тиниқиб ухлашларига баҳо бердилар. Аниқланишича, юқоридаги пареҳзга риоя қилган 65 ёшдан 75 ёш атрофидаги кўнгиллилар уйқусизликга дуч келишмаган ва тунлари тиниқиб ухлашган.
