O‘zbekistonda elektron ID-kartani joriy etish rejalashtirilmoqda
O‘zbekiston Respublikasi pasport tizimini yanada takomillashtirish chora-tadbirlari to‘g‘risidagi qaror loyihasi jamoatchilik muhokamasi uchun e’lon qilindi.
Hujjat loyihasi bilan yangi tushuncha – “identifikatsion elektron karta” (ID-karta) kiritilmoqda. Ta’kidlanishicha, identifikatsion elektron karta bu – egasining shaxsini respublika hududida tasdiqlaydigan hujjatdir.
ID-karta har bir fuqaro identifikatsiyasining yagona raqami va shaxsiy ma’lumotlariga ega bo‘ladi. Uni davlat xizmatlaridan foydalanishda shaxsni tasdiqlash uchun qo‘llash rejalashtirilgan.
