Bepul operatsiya uchun sertifikatlar topshirildi
Zangiota tumani hokimligi hamda “Sharq ayoli” xalqaro jamoat fondi bilan birgalikda ikki oy mobaynida tumanning markaziy shifoxonasida “Yorqin nigoh” dasturi doirasida 2 mingdan ortiq tuman ahli Janubiy Koreya va Rossiyadan keltirilgan ko‘z kasalliklariga tashxis qo‘yish va ularni aniqlash bo‘yicha zamonaviy tibbiy uskunalar yordamida bepul ko‘rikdan o‘tkazildi.
Ko‘rik natijasida 500 nafardan ortiq bemor zamonaviy davolash muolajalari orqali sog‘lomlashtirildi. 2018 yil 6 avgust kuni hokimlikda tumanning 10 ta kam ta’minlangan oilalarning vakillari va 60 yosh va undan katta bemorlarga Toshkent shahridagi zamonaviy ko‘z shifoxonalaridan birida bepul operatsiya qildirishlari uchun maxsus sertifikatlar topshirildi.
