O‘zbekiston – iste’dodlar yurti
Urganch tumanidagi 11-sonli Bolalar musiqa va san’at maktabi o‘quvchisi Shohruxxon Azamat o‘g‘li shu yil aprel oyida Ozarbayjonning Boku shahrida o‘tkazilgan 7-xalqaro tanlovda fortepiano yo‘nalishida ishtirok etib, sertifikat bilan taqdirlandi.
Yosh musiqachi 2017 yil dekabr oyida o‘tkazilgan “Kamalak yulduzlari” bolalar ijodiyoti respublika festivalining Xorazm viloyati bosqichida I darajali diplom sohibi bo‘lgan. Aytish kerakki, Chakkasholikor qishlog‘ida tug‘ilgan yosh musiqachining yutuqlari mamlakatimizda yosh avlod vakillariga yaratilgan keng imkoniyatlar tufaylidir.
Shohruxxon endigina o‘n ikki yoshga qadam qo‘ydi. U bu yil 19-umumta’lim maktabining 6-sinfiga o‘tdi. Yosh musiqachi ta’lim maskanida a’lo baholarga o‘qish bilan birga, bo‘sh paytlarida bolalar musiqa va san’at maktabida fortepiano yo‘nalishida tahsil oladi. O‘tgan qisqa vaqt ichida u ko‘plab ko‘rik-tanlovlarda g‘oliblikni qo‘lga kiritdi. Shohruxxon yozgi ta’til bo‘lishiga qaramay, hozirda ustozi Zokir Atajanov bilan fortepiano bo‘yicha mashg‘ulotlarni davom ettirmoqda.
J. SA’DULLAYEV