Bu yilgi “Yosh kitobxon” tanlovida uch baravar ko‘p yosh ishtirok etadi
“Yosh kitobxon” tanlovining joriy yilgi saralash bosqichi barcha tuman va shaharlarda 12-13-14 iyul kunlari 20-30,15-19,10-14 yosh kesimlarida 4 bosqichda bo‘lib o‘tadi.
Mazkur tanlovning o‘tgan mavsumida 250 ming nafar o‘g‘il-qiz ishtirok etib, ular orasidan saralangan yoshlar Prezident sovg‘asi – yengil avtomashinaga ega bo‘lgandi.
Bu yil ushbu tanlovda qatnashish uchun 720 ming yosh murojaat etgani uning nechog‘lik ahamiyatli tanlovga aylanganidan dalolat va yoshlarning kitob o‘qish, kitobxonlikka bo‘lgan qiziqishining yorqin isbotidir.
