Tanlov yakunlandi
O‘zbekiston yoshlar ittifoqi Markaziy Kengashi, poytaxtimizdagi “Robokidz” robototexnika maktabi hamkorligida “Robo challenge – 2018” tanlovi o‘tkazildi.
Unda shahrimizdagi umumta’lim maktablari va xususiy ta’lim markazlari o‘quvchilari ishtirok etdi.
Tanlovdan ko‘zlangan maqsad bolalarning zamonaviy axborot-kommunikatsiya texnologiyalari, innovatsiyalar, sport va ta’lim robototexnikasiga bo‘lgan qiziqishini yanada oshirish, ularning texnik ijodkorligini rag‘batlantirishdan iboratdir.
Ushbu bosqichda maktablarning o‘zida saralangan va yakuniy bosqichga tavsiya etilgan 10 yoshdan 14 yoshgacha bo‘lgan ikki kishidan iborat 25 ta jamoa ishtirok etdi.
Tanlov yakuniga ko‘ra g‘oliblar aniqlanib, ularga diplom va esdalik sovg‘alari topshirildi.
