Bolajonlar – shirintoylar
Joriy yilning 30-31 may kunlari “OSIYO RAMZI” O‘zbekiston respublikasi dizaynerlari uyushmasi tashabbusi bilan an’anaviy “Bolajonlar, shirintoylar – 2018” respublika bolalar moda festivali bo‘lib o‘tmoqda.
Ushbu tadbirda “Mahorat darslari”, bolalar liboslari namoyishi bo‘lib o‘tadi. Ta’kidlash joizki, bolalar moda festivalida taqdim etilgan barcha liboslar O‘zbekiston mintaqalarining iqlimiga xos xususiyatlar, milliy mentalitet hamda 2018–2019 yillarga mo‘ljallangan jahon moda yo‘nalishlarini hisobga olgan holda tayyorlangan.
Tadbir yakunida loyihada ishtirok etgan bolajonlarga esdalik sovg‘alarini taqdim etish rejalashtirilgan.
