Yaqin qarindoshlarning bolani bog‘chadan olib ketishi taqiqlandi
Maktabgacha ta’lim muassasalarida bolalarning hayoti va salomatligini muhofaza qilishni tashkil etish to‘g‘risidagi nizom e’lon qilindi.
Unga ko‘ra endilikda yaqin qarindoshlarning shaxsni tasdiqlovchi hujjatni taqdim etgani bilan bolani bog‘chasidan olib ketish imkoniyatiga ega emas. Bolani faqat ota-onasi yoki vasiy bo‘lgan shaxs olib ketishi bo‘yicha bitta qoida qoldi.
Bundan tashqari har kuni ertalab tarbiyachilar hamshira nazorati ostida bolalarning tibbiy holatini tekshiruvdan o‘tkazishga majbur bo‘ladi (amalda bu anchadan beri kuzatilayotgandi). Shuningdek, ota-onalar kechqurun bolani olib ketmagan holatlarda tarbiyachi uni uyigacha olib borib qo‘yishga majbur emas.
Belgilanishicha, bolalar bog‘chasidan tashqaridagi barcha sayr va ekskursiyalar ichki ishlar organlari bilan kelishuv asosida amalga oshiriladi (ilgari, bu faqat tashkillashtirilgan safar uchun talab etilardi).
