Harbiy san’atkorlarning metrodagi “syurprizi”
Yaqinda Qurolli Kuchlar Markaziy ashula va raqs ansambli tomonidan Xotira va qadrlash kuniga bag‘ishlab metropolitenda tadbir o‘tkazildi.
“Do‘stlik” bekatidan boshlangan ijodiy sayohat metropolitenning barcha liniyalarini o‘z ichiga qamrab oldi.
Mazkur ijodiy sayohat aholi ishdan, turli yumushlardan qaytayotgan qulay paytda uyushtirilgani ayni muddao bo‘ldi. Badiiy dastur davomida el sevgan san’atkorlar Ikkinchi jahon urushi davri jangovar kuy-qo‘shiqlarini mohirlik bilan ijro etishdi. San’atkorlar ijrosidagi kuy-qo‘shiqlarga ular bilan birgalikda raqsga tushayotgan va bundan zavqlanayotgan hamyurtlarimiz bu kunni uzoq vaqt yodlarida saqlashi, shubhasiz.
