Yosh baxshilar maktabi ish boshladi
O‘zbekiston yoshlar ittifoqi Qashqadaryo viloyati Kengashi tashabbusi bilan Dehqonobod tumanida o‘tkazilgan “Milliy qadriyatlarimiz – beqiyos boyligimiz” mavzusidagi festivalda yosh baxshilar va faol yoshlar ishtirok etdi.
Tadbir doirasida tumandagi agrosanoat kasb-hunar kolleji qoshida “Yosh baxshilar” maktabining tantanali ochilish marosimi bo‘lib o‘tdi. Unda so‘zga chiqqanlar zarur jihozlar va musiqa asboblari bilan ta’minlangan “Yosh baxshilar” maktabi kelgusida yosh iqtidorlarni kashf etishiga xizmat qilishini aytib o‘tdi.
