Kitobim – oftobim
Poytaxtimizning Yashnobod tumanidagi 282-umumta’lim maktabida bolajonlarning sevimli shoiri Anvar Obidjon ishtirokida “Kitobim – oftobim” tadbiri bo‘lib o‘tdi.
Ushbu uchrashuvni o‘tkazishdan maqsad o‘quvchilar qalbida kitobga mehr uyg‘otish, ular orasida mutolaa madaniyatini oshirishdan iborat.
Bolajonlar kitob to‘g‘risidagi she’rlari, badiiy chiqishlari bilan kechaga o‘zgacha xushkayfiyat ulashdi.
Shuningdek, ta’lim maskanida o‘qituvchilar o‘rtasida “Sport – sog‘lik garovi” shiori ostida musobaqa ham bo‘lib o‘tdi. Yakunda faol ustozlarga esdalik sovg‘alari topshirildi.
Ozoda ERGASHEVA,
maktab kutubxonachisi
