Музейлар – бой тарихимиз
Музейлар миллий маданий меросимиз, анъана ва урф-одатларимиз, қадриятларимизни қайта тиклаш ва келажак авлодларга етказиш борасидаги муҳим масканлар ҳисобланади.
Бугунги кунда республикамизда 350 дан ортиқ музей ва уларнинг фаолияти билан боғлиқ кўргазма муассасалари мавжуд. Уларнинг 90 таси давлат музейларидир. Хусусан, Маданият вазирлиги тизимида 79 та (шундан, 32 таси филиал) музейлар фаолият кўрсатмоқда.
Бундан ташқари республикамизда 3 та йирик музей корхоналар, (Самарқанд, Бухоро, Хива шаҳарларида) мавжуд бўлиб, улар таркибида 38 та музей фаолият олиб бормоқда. Бу каби маданий масканларимиз фондида 2,4 млн. дан зиёд халқимиз тарихи билан боғлиқ нодир экспонатлар сақланмоқда.
