ҒАЛАБАГА ТЕНГ ДУРАНГ
Кеча Осиё Чемпионлар лигаси чорак финал баҳсларининг дастлабки ўйини Тошкентнинг Бунёдкор ҳамда Австралиянинг Аделаида Юнайтед жамоалари ўртасида бўлиб ўтди.
“Бунёдкор” олис Австралияда 2:2 ҳисобида дуранг ўйнаб, 2 ҳафтадан кейиб бўлиб ўтадиган жавоб учрашуви олдидан ярим финалга чиқиш учун яхши имкониятга эга бўлиб олди. Айниқса, ўйин давомида Қосимов шогирдлари 0:2 ҳисобида ютқаза туриб, якунда дурангга эришишганини инобатга олсак, делегация вакиллари ортга сафарни яхши кайфиятда ўтказадиган бўлишди. Эслатиб ўтамиз бу жамоалар ўртасидаги жавоб учрашуви 4 октябр куни Тошкентдаги ЖАР стадионида бўлиб ўтади.
