Картошка ҳақида қизиқарли маълумотлар
Картошкадан дастлаб Жанубий Америка ҳиндулари егулик сифатида фойдаланган. Уни маданийлаштириш тахминан ўн минг йиллар олдин Перу ҳудудида бошланган. Картошка ҳақидаги маълумотлар Европага XVI асрдагина етиб келган, XVIII асрдан пазандачиликда кенг қўлланила бошлаган. Ҳозирда картошка ер юзининг барча ҳудудларида етиштирилади.
- Россия, Белоруссия, Ирландия ва Хитой – картошка энг кўп истеъмол қилинадиган мамлакатлар.
- Картошканинг 4000 га яқин тури бор.
- Картошка дунёнинг барча ошхоналарида энг кўп ишлатиладиган маҳсулотлардан бири ҳисобланади. Картошканинг афзаллик томонларидан бири – ундан овқат тайёрлаш учун ошпазлик малакаси юқори бўлиши шарт эмас. Истаган одам уни қовуриб, димлаб ёки қайнатиб таом тайёрлаши мумкин. Ширин картошка навидан десерт таомлар тайёрланади.
- Картошкани турига қараб мос усулда пиширилади. Масалан, таркибида крахмал миқдори кўп (20–22 %) бўлган картошкаларни димлаб ёки қовуриб пиширган маъқул. Сариқ картошка (16–18 % крахмал) ни эса узоқроқ пишириш талаб этилади, ундан асосан шўрва учун фойдаланилади. Картошка таркибидаги фойдали моддаларни сақлаб қолиш учун озроқ сувда қайнатиш керак.
- Картошка углеводлар (крахмал, целлюлоза), оқсил, С, В1, В2, В3, В6, фосфор, калий, магний, калций, рух моддаларига бой. Оқсилнинг деярли барчаси пўст остидаги юпқа қатламда тўпланади.
- Картошка таркибида крахмал кўплиги учун секин ҳазм бўлади, шунинг учун узоқ вақтгача қоринни тўқ тутади.
- Эски картошкаларни (уч ойдан ортиқ сақланган) 20–25 дақиқа, янгисини 10–15 дақиқа қопқоқ билан беркитиб қайнатиш керак.
- Картошканинг калориялилик даражаси – 77 ккал.
Миржалол Мадвалиев тайёрлади.
