Осиё чемпионати қизғин давом этмоқда
Хитой Халқ Республикасининг Паньцзинь шаҳрида шахмат бўйича умумий ўрта таълим мактаби ўқувчилари ўртасида Осиё чемпионати ўтказилмоқда.
Чемпионат шу йилнинг 20-30 июль кунлари ўтказилиб, юртимиз шарафини 11 нафар ўқувчи-ёшлар ҳимоя қилади.
Мазкур нуфузли мусобақада қитъамизнинг йигирма бешга яқин давлатидан ташриф буюрган иштирокчилар блиц, стандарт ва рапид йўналишларида ғолиблик учун баҳслашмоқда.
Ҳозирда мусобақанинг рапид йўналишида ўқувчиларимиз 2 та олтин, 2 та кумуш ва 2 та бронза медалларини қўлга киритишга мувофақ бўлишди.
Чемпионат шу йилнинг 30 июлига қадар давом этади.
Халқ таълими вазирлиги
Ахборот хизмати
