Турли дориларни бир вақтда қабул қилиш салбий оқибатларга олиб келади
Янги тадқиқот учун 65 ва ундан юқори ёшдаги 482 киши танлаб олинди. Иштирокчилар 2011 йилнинг июн ойидан 2016 йилнинг февралигача назорат қилиб турилди.
Йўл босиш пайтида ҳеч ким ҳассадан фойдаланмади. Мутахассислар уларнинг юриш тезлини баҳолаб борди. Қатнашчилар икки гуруҳга бўлинди. Биринчи гуруҳ аъзолари кейинги гуруҳдагиларга нисбатан кўпроқ препаратларни қабул қилди. Кексаларнинг 34 фоизи тадқиқот давомида 5 та, 10 фоизи эса саккиздан ортиқ препаратдан фойдаланди.
Кўп дори истеъмол қилган иштирокчилар инфаркт, гипертония, юрак сустлиги каби касалликларга кўпроқ дуч келди. Бундан ташқари, уларда вазн ортиши ҳам кузатилди. Натижага таъсир кўрсатган омиллар ўрганиб чиқилгач, кўп препарат қабул қилувчилар, бошқаларга қараганда секинроқ юргани маълум бўлди.
Миржалол Мадвалиев тайёрлади.
