Ҳикматлар бисотидан
Болалар ахлоқий тарбияни муҳитдан оладилар, бошқача қилиб айтганда, болалар сувга ўхшайдилар, сув идишнинг шаклини олганидек, болалар ҳам муҳитнинг одоб-ахлоқини қабул қиладилар.
Фитрат
Яхши тарбия кўрган одамнинг хислатларидан бири шуки, бундай одам ўз фаолиятида бошқалардан бир қадам олдинга ўтса дарров орқага қарайди, шерикларга ёрдам қўлини узатади, сафини кенгайтириб, янги ғалабани кўзлайди.
Абдулла ҚАҲҲОР
Қўнимсизлик
– Мени нега шамол қувлагани қувлаган? – сўрабди Сомон.
– Илдизингдан айрилгансан! Шунга қўниминг йўқ, – жавоб берибди Чинор.
