Ҳам инъом, ҳам имконият
Қашқадарё вилоят онкология диспансерининг тубдан реконструкция қилинган биноси фойдаланишга топширилди.
Инвестиция дастури доирасида муассаса бунёдкорлик ишларига 5 миллиард 800 миллион сўмлик маблағ сарфланди. Диспансер 2 миллиард сўмдан ортиқ маблағ эвазига замонавий жиҳозлар билан тўлиқ таъминланди.
Энди вилоят онкология диспансерида ҳам катта жарроҳлик амалиётлари амалга оширилиши мумкин. Бунинг учун икки йил давомида тор мутахассисликдаги жарроҳлар қайта тайёрланди. Қолаверса, жорий йилда Нидерландиядан компьютер томографияси ускунаси, нур ва наркоз аппаратлари, кичик ва катта жарроҳлик жамламалари олиниб келиниши кутилаяпти.
