FOTOTASVIRDA NURONIYLAR
O‘zbekiston Badiiy akademiyasi Toshkent Fotosuratlar uyida Keksalarni e’zozlash yiliga bag‘ishlangan fotoko‘rgazma tashkil etildi.
O‘zbekiston Badiiy akademiyasi tomonidan Vatanimiz taraqqiyoti va xalqimiz farovonligi yo‘lida fidokorona mehnat qilgan nuroniylarning ibratli hayot tajribasidan yoshlar tarbiyasida keng foydalanish, ijtimoiy-iqtisodiy, ma’naviy islohotlarning mohiyatini fotografiya va tasviriy san’at vositasida aks ettirishga oid bir qator ishlar amalga oshirilmoqda. Yoshi ulug‘ rassomlar, hunarmandlar, qo‘li gul ustalarning badiiy, amaliy fotoko‘rgazmalari tashkil etilib, oliy o‘quv yurtlari, “Barkamol avlod” bolalar markazlarida ular ishtirokida mahorat saboqlari o‘tkazilmoqda.
V.PO‘LATOVA
