СИЗ ТАРИХНИ БИЛАСИЗМИ?..
Мактабда фан ойлиги
Тошкент шаҳар Бектемир туманидаги 289-умумтаълим мактабида ҳам “Январь – тарих ва ҳуқуқ фанлари ойлиги” юқори савияда ўтказилди.
Тарих ва ҳуқуқ фанлари метод бирлашмаси томонидан ўқитувчи ва ўқувчилар ўртасида фан ойлигига бағишлаб очиқ дарслар, кўрик-танлов ҳамда турли тадбирлар уюштирилди. Жумладан, 6-9 синфлар ўртасида “Сиз тарихни биласизми” беллашуви доирасида фан ойлигига бағишлаб деворий газеталар, буклетлар тайёрланди.
9-”Б” синф ўқувчиларининг тайёрлаган деворий газетаси, 6-”Д” синфда ўтказилган очиқ дарс энг намунали деб топилиб, ғолиб синфлар, ўқувчилар муносиб тақдирландилар.
Ўқувчиларнинг саводхонлигини ошириш ҳамда Бош Қомусимизнинг мазмун-моҳиятини пухта ўрганиш мақсадида ташкил этилган бундай кўрик-танловларнинг ўтказилиши муҳим аҳамиятга эга. Зеро, ҳуқуқий саводхон инсон жамиятда тўғри йўлдан оғишмайди.
Ўз мухбиримиз
