ТИББИЙ САВОДХОНЛИК – ДАВР ТАЛАБИ
Жаҳон Соғлиқни Сақлаш Ташкилоти томонидан 14 ноябрь – халқаро Диабет куни деб эълон қилинган.
Пойтахтимизнинг Шайхонтоҳур туман Тиббиёт бирлашмаси яқинда мавзуга доир тадбир ўтказди. Ушбу тадбирда Беньков номли рассомчилик коллежи талабалари, туман эндокринологлари, санитария-тарғибот ишлари бўйича мутахассислар, ўқитувчилар, маҳалла фаоллари ва қандли диабет касаллигига чалинган беморлар қатнашди. Тиббиёт фанлари доктори, профессор, эндокринолог Т.Ибрагимов ҳамда тиббиёт фанлари доктори Э.Эшбоевлар қандли диабет хасталиги ва унинг олдини олиш чора-тадбирлари хусусида тадбир иштирокчиларига сўзлаб беришди.
Иштирокчилар ўзларини қизиқтирган саволларга мутахассислардан жавоблар олишди.
Маърифат ТОЛИПОВА
