XABARLAR, YANGILIKLAR, VOQEALAR (2014/32)
Temuriylar tarixi davlat muzeyida O‘zbekiston “Milliy tiklanish” demokratik partiyasi markaziy kengashi tomonidan “Yagonasan, muqaddas Vatan: O‘zbekiston kecha va bugun” mavzusida davra suhbati o‘tkazildi.
Andijonda “Ishbilarmon talaba – 2014” ko‘rik-tanlovining viloyat bosqichi bo‘lib o‘tdi. Unda 48 nafar talaba-yoshlar o‘zlarining hunarmandchilik, amaliy san’at buyumlari ishlab chiqarish, xizmat ko‘rsatish, servis va qishloq xo‘jaligi sohasini rivojlantirish borasidagi ko‘rgazmali, innovatsion loyihalarini namoyish etdi.
Toshkent davlat texnika universiteti sport majmuasida oilaviy jamoalar o‘rtasida “Sog‘lom oila” shiori ostidagi sport musobaqalarining Toshkent shahar bosqichi bo‘lib o‘tdi.
Poytaxtimizda tennis bo‘yicha o‘smirlar o‘rtasida “NBU Cup” xalqaro turniri boshlandi. Unda dunyoning o‘ndan ziyod mamlakatidan yuz nafarga yaqin o‘g‘il-qiz g‘oliblik uchun kuch sinashmoqda.
