Болажонларга экологик тарбия
Юнусобод тумани халқ таълими муассасалари фаолиятини методик таъминлаш ва ташкил этиш бўлими тасарруфидаги “Дўстлик” номли 110-сонли мактабгача таълим муассасасида давлат дастурида белгиланган чора-тадбирларни амалга ошириш борасида қатор ишлар амалга оширилмоқда.
Муассасада тайёрлов гуруҳ тарбиячиси Ф.Гайфуллина томонидан “Табиат ва мен” номи остида тарбиявий соат бўлиб ўтди. Дарс соатлари турли кўргазмали қуроллар орқали олиб борилди. Қизиқарли эртак, топишмоқлардан фойдаланилиш эса дарс соатининг самарали ўтишини таъминлади. Мазкур тарбиявий соат болажонлар онгида экологик маданиятнинг шаклланиши, улар орасида она табиатга бўлган меҳр-муҳаббатнинг юксалишига хизмат қилади.
Озода ТУРСУНБОЕВА
