Sohibqironga ehtirom
Shu kunlarda yurtimiz bo‘ylab Sohibqiron tavalludining 678 yilligi keng nishonlanmoqda. Yaqinda ana shunday tadbirlardan biri Temuriylar tarixi Davlat muzeyida bo‘lib o‘tdi.
Tadbir O‘zbekiston Respublikasi Adliya vazirligi, Xalqaro Amir Temur fondi, Toshkent Davlat Yuridik universiteti huzuridagi Akademik litsey va boshqa bir qator o‘quv muassasalari tomonidan hamkorlikda tashkil etildi. “Ta’lim – taraqqiyot garovi” mavzuidagi ilmiy-amaliy konferensiyada ulug‘ siymoning jahon sahnida tutgan o‘rni, olib borgan odilona siyosati, avlodlarga qoldirgan bebaho merosi haqida so‘z bordi.
Shuningdek, konferensiya davomida Amir Temur bobomiz siymosiga bag‘ishlangan “Ta’lim – taraqqiyot garovi” nomli kitobning taqdimoti ham bo‘lib o‘tdi.
S. ISOMIDDINOV
