Президент дунёнинг энг ёш гроссмейстерига мактуб йўллади
“Ўзбекистон мамлакатининг сендек 12 яшар навқирон, азм-у шижоатли фарзанди ғоят муросасиз руҳда ўтган саралаш баҳсларида муваффақият қозониб, жаҳоннинг амалдаги энг ёш гроссмейстери даражасига кўтарилгани, дунё шахмати тарихидаги бу юксак натижа, ҳеч шубҳасиз, барчамизга, бутун Ўзбекистон халқига катта ғурур ва ифтихор бағишлайди”.
Президент мактубидан.
Ўзбекистон Республикаси Президенти Шавкат Мирзиёев 12 ёшида жаҳоннинг амалдаги энг ёш халқаро гроссмейстерига айланган Жавоҳир Синдоровга мактуб йўллади. Юртбошимиз имзоси туширилган мактубда Жавоҳир шахмат оламидаги энг олий мақом – халқаро гроссмейстер унвонига сазовор бўлгани билан табрикланган.
