Ижтимоий соҳадаги ҳамкорлик
Мирзо Улуғбек номидаги Ўзбекистон Миллий университетида БМТ Болалар жамғармаси (ЮНИСЕФ)нинг мамлакатимиздаги ваколатхонаси ҳамда Олий ва ўрта махсус таълим вазирлиги ҳамкорлигида “Ўзбекистонда ижтимоий иш соҳасидаги таълим ва амалиётни мукаммаллаштириш” деб номланган илмий-амалий конференция бўлиб ўтди.
Конференцияда ижтимоий заиф оилаларга кўмак бериш ва ҳар бир боланинг яшаш ҳуқуқи ҳамда уларга нисбатан зўравонлик, камситиш ва бепарволикка қарши курашиш чораларини кучайтириш, янги дастур бўйича тегишли вазирликларнинг фаолиятини баҳолаш, ижтимоий соҳада стандарт операцион тартиб-қоидаларни ишлаб чиқиш, ижтимоий иш соҳаси бўйича малакали кадрлар тайёрлаш юзасидан фикр алмашилди.
