Заиф эшитувчи болаларга спорт майдончаси қуриб берилди
“O‘zLiDeP” Олмазор туман Кенгаши ҳамда депутатлик гуруҳи аъзолари Ўзбекистон карлар жамиятининг Тошкентдаги 1-сонли ўқув ишлаб чиқариш корхонасига қарашли турар жой биносида байрам тадбири ташкил этди.
Дастлаб заиф эшитувчи фуқароларнинг мурожаатидан келиб чиқиб, эшитиш ва гапиришида нуқсони бор 80 нафарга яқин бола тор доирадаги шифокор ва сурдотаржимонлар иштирокида бепул тиббий кўрикдан ўтказилди. Уларга аниқланган касалликлар бўйича даволаниш учун тиббий йўлланмалар берилди.
Тадбир давомида жамиятга қарашли ётоқхона ҳовлисида бунёд этилган спорт майдончаси ҳам фойдаланишга топширилди.
