Ўзбекистонда янги завод барпо этилади
Ўзбекистонда Мустақил Давлатлар Ҳамдўстлигида ягона ҳамда жаҳон саноат аккумуляторлари бозорида етакчи корхоналардан бири бўлиши кутилаётган завод барпо этилади.
Ушбу завод Unicor Co. Ltd (Жанубий Корея) компаниясининг юқори технологик ускуналари билан жиҳозланади.
Ўзбекистон Республикаси Президентининг қарори билан “Ишлаб чиқаришни таркибий ўзгартириш, модернизациялаш ва диверсификациялаш чора-тадбирлари тўғрисида”ги дастури ишлаб чиқилди ҳамда унинг доирасида “Ўзиккиламчиранглиметалл”АЖга саноат аккумуляторларини ишлаб чиқаришни ташкил этиш топширилди. Унда саноат аккумуляторлари ишлаб чиқарилишининг йўлга қўйилиши ушбу соҳада муҳим аҳамият касб этади.
Ушбу замонавий йирик корхона 2018 йил ўрталарида барпо этилади.
