Тошкентдан Хитойга транспорт қатнови йўлга қўйилди
Тошкентда 30 октябрь куни “Ўзбекистон – Қирғизистон – Хитой” йўналиши бўйича халқаро автокарвон йўлга чиқди.
Мазкур автомобиль йўлагининг очилиши ушбу мамлакатлар ўртасидаги савдо-иқтисодий алоқаларни янада кенгайтириш, инвестициялар, молия, транспорт инфратузилмасини ривожлантириш, Марказий Осиё бўйлаб юк ташиш ҳажмини, транзит салоҳиятини сезиларли оширишга хизмат қилади. Халқаро автокарвон доирасида Ўзбекистон, Қирғизистон ва Хитой юк машиналари “Тошкент – Андижон – Ўш – Иркиштом – Қошғар” йўналиши бўйича илк бор йўлга чиқди.
