Байрам совғалари кўнгилларни хушнуд этди
Андижон шаҳрининг Алишер Навоий номидаги маданият ва истироҳат боғида жисмоний имконияти чекланган 300 нафар фуқарога Президент совғаси – ногиронлик аравачалари топширилди.
Андижон вилоятида бугунги кунда турли касалликлар, жароҳат ва бахтсиз ҳодисалар оқибатида ногиронлик нафақасига фуқароларни ижтимоий муҳофаза қилиш, саломатлигини мустаҳкамлаш, моддий ва маънавий қўллаб-қувватлаш доимий эътиборда. Масалан, жорий йилнинг ўтган даврида 2 минг 500 нафар кекса ва ногирон юртимиздаги турли сиҳатгоҳларда дам олиб, саломатлигини тиклади. 300 нафар ногирон реабилитация воситалари, протез-ортопедия маҳсулотлари билан таъминланди. Энг улуғ, энг азиз байрамимиз арафасида имконияти чекланган фуқароларнинг бир гуруҳига Президент совғаси – ногиронлик аравачаси топширилгани улар учун кутилмаган совға бўлди.
