Қизил ловия ва лавлагили салат
Барчага маълумкий ловия шифобахшлиги, турли калорияларга бойлиги билан гўштга тенглаштирилади. У инсонни тўқ сақлайди, ўсмалар чиқишининг олдини олади, танадаги заҳарли моддаларни ҳайдайди. Лавлаги эса умумий қувват тикловчи, меъда-ичак тизими фаолиятига ижобий таъсир этувчи, ҳамда моддалар алмашинувини яхшилаб, камқувват кишилар саломатлигини тикловчи сабзавот ҳисобланади. С дармондориси мис, фосфор каби моддаларга ҳам бой. Шу сабаб улардан тайёрланган салат инсон организмини витаминлар билан бойитиш билан бирга унга куч-қувват бағишлайди. Уни қуйдагича тайёрлашингиз мумкин.
Зарур масаллиқлар: 1 пиёла қайнтилган қизил ловия, 2 дона қайнатилган ўртача катталикдаги қизил лавлаги, 1 дона ўртача катталикдаги пиёз керак бўлади.
Тайёрланиши: Идишга қайнатилган қизил ловия, қирғичдан чиқарилган лавлаги ва қовурилган пиёз озгина салат ёғи қўшиб аралаштирилади. Сўнгра табга кўра туз қўшиб дастурхонга тортишингиз мумкин.
Чарос Хушвақтова тайёрлади.
