Metodistlar uchun seminar o‘tkazildi
“Barkamol avlod” bolalar markazlarida metodik xizmat sifatini oshirish: muammo va yechimlar” hamda “Ommaviy tadbirlar samaradorligini oshirish omillari” mavzularida hududiy seminar-treninglar tashkil etildi.
Ushbu seminar Samarqand va Farg‘ona viloyatlarida tashkil etilib, unda hududlardan tashrif buyurgan 150 nafarga yaqin soha xodimlari ishtirok etdi.
Seminarda o‘quvchi-yoshlarning bo‘sh vaqtlarini mazmunli tashkil etish, ularning ijodiy va badiiy qobiliyatlarini rivojlantirish, maktabdan tashqari ta’lim tizimiga ilg‘or pedagogik usullardan foydalangan holda ta’lim-tarbiya berishning yangi shakllarini keng joriy etish, metodik xizmat sifatini oshirish masalalari muhokama qilindi.
Seminar-trening yakunida kelgusida amalga oshirilishi lozim bo‘lgan muhim vazifalar belgilab olindi va respublika miqyosida o‘tkazilayotgan tadbirlarning samaradorligini oshirish bo‘yicha tegishli tavsiyalar berib o‘tildi.
Xalq ta’limi vazirligi
Axborot xizmati
