Turli dorilarni bir vaqtda qabul qilish salbiy oqibatlarga olib keladi
Yangi tadqiqot uchun 65 va undan yuqori yoshdagi 482 kishi tanlab olindi. Ishtirokchilar 2011 yilning iyun oyidan 2016 yilning fevraligacha nazorat qilib turildi.
Yo‘l bosish paytida hech kim hassadan foydalanmadi. Mutaxassislar ularning yurish tezlini baholab bordi. Qatnashchilar ikki guruhga bo‘lindi. Birinchi guruh a’zolari keyingi guruhdagilarga nisbatan ko‘proq preparatlarni qabul qildi. Keksalarning 34 foizi tadqiqot davomida 5 ta, 10 foizi esa sakkizdan ortiq preparatdan foydalandi.
Ko‘p dori iste’mol qilgan ishtirokchilar infarkt, gipertoniya, yurak sustligi kabi kasalliklarga ko‘proq duch keldi. Bundan tashqari, ularda vazn ortishi ham kuzatildi. Natijaga ta’sir ko‘rsatgan omillar o‘rganib chiqilgach, ko‘p preparat qabul qiluvchilar, boshqalarga qaraganda sekinroq yurgani ma’lum bo‘ldi.
Mirjalol Madvaliyev tayyorladi.
