Kitobga mehr uyg‘otishning 10 ta yangi usuli
Farzandingizga mehrni aql va mas’uliyat uyg‘unligida bering. Uni kitobga mehrini uyg‘otishning 10 ta yangicha usuli hamda mutolaaning farzandingizga foydali jihati haqida bilib oling.
– Bolangizga ertak o‘qib yoki aytib beryapsizmi? Unda ertak qahramonlari roliga kiring. Ya’ni, ovozingiz, harakatlaringiz shunga monand bo‘lsin.
– Dam olish kunlari ma’lum bir vaqtni kitob o‘qishga bag‘ishlang. Bunda atrofingizga bir qancha kitoblarni to‘plab, bolangizga o‘rnak bo‘ling. Chunki, hech qaysi usul bolaga shaxsiy namunachalik ta’sir qilmaydi.
– Bayramlarda, tug‘ilgan kunlarda oila a’zolari bir-birlariga kitob sovg‘a qilishni an’anaga aylantirishi lozim. Bunda kitobni noyob sovg‘a ko‘rinishida taqdim qilish maqsadga muvofiq.
– Bolangiz o‘qib bo‘lgan har bir kitobi uchun alohida vaqt ajratib, uni eshitishingiz va albatta ma’naviy tomondan rag‘batlantirib borishingiz shart.
– Har bir kitobxon kabi bolangizni ham o‘zi suygan kitobi bo‘lishga o‘rgating.
Kitobni bolangiz hayotining bir bo‘lagiga aylantira oldingizmi, endi siz mutolaa orqali farzandingizga qanday foyda keltirib, ota-onalik vazifangizni qay darajada bajarganingizni his qiling.
– kitob o‘qigan bolaning asablari tinchlanadi, muayyan muddatdan so‘ng miya uxlash vaqti bo‘lganini tushunadi.
– u turli xavotir, noxush fikrlardan chalg‘ishning eng qulay usulidir. Chunki, bolalarga xos fobiya (qo‘rquv)lar mavjud.
– kitob o‘qish boladagi jizzakilikni yo‘qotadi.
– mutolaa miyadagi asab tolalari sonini oshiradi.
– xushmuomalalikni o‘rgatadi.
– kitob o‘qigan bola mustaqil fikrga ega bo‘ladi.
Asosiysi, inkor qilib bo‘lmaydigan bir haqiqat bor – kitob o‘qigan boladan hech qachon yomonlik chiqmaydi.
Hilola XO‘JAMIYOROVA,
Qumqo‘rg‘on “Qorsoqli” xizmat ko‘rsatish kasb-hunar kolleji o‘quvchisi
