Спорт билан шуғулланувчилар учун энг фойдали ичимлик қайси?
Олимлар спортчилар учун энг фойдали ичимликни аниқлади. Маълум бўлишича, бу оддий сув экан. Бу ҳақда ToDay News Ufa нашри ёзди.
Тиббиётчилар турли ичимликлар инсон организмига ўзига хос тарзда таъсир кўрсатишини тадқиқ қилди.
Ўтказилган таҳлиллар тетиклаштирувчи ичимликлар ҳақиқатан ҳам самара беришини кўрсатди, бироқ улар вазн билан боғлиқ муаммо келтириб чиқаради, тиш эмалини емиради. Шу сабабли мутахассислар таркибида кофеин бўлган қувватбахш ичимликларни тавсия қилмайди. Бу ичимликлар бош оғриғи, аритмия, невроз ва бошқа касалликларни келтириб чиқариши мумкин.
Сув эса организм мувозанатини тиклайди. Салбий таъсири мутлақо йўқ.
Манба: sof.uz
