O‘zbekistondagi eng yirik issiqxona ishga tushadi
“Gold Agro Fresh” agrofirmasi Surxondaryo viloyatida narxi 35 million dollarlik yirik issiqxonani ishga tushiradi. Bu yerda mingdan ziyod ish o‘rni tashkillashtiriladi va har yili 30 million dollarlik mahsulot eksport qilinadi.
Ayni damda bu yerda sinov tariqasida 20 gektar maydonda 15 ta blok ishga tushirilgan. Issiqxonaning barcha – 70 ta bloki ishga tushirilgach, uning maydoni 100 gektarga yetadi. Bundan tashqari, 434 gektarga mavsumiy mahsulotlar yetishtirish, kelajakda esa 100 gektar maydonda intensiv bog‘lar tashkil etilishi ham rejalashtirilgan.
