7 kun davomida
“O‘zekspomarkaz”da I Xalqaro meva-sabzavot yarmarkasi ochildi. Unda AQSH, Buyuk Britaniya, Birlashgan Arab Amirliklari, Janubiy Koreya, Yaponiya, Italiya, Fransiya, Malayziya, Hindiston, Rossiya, Latviya, Ozarbayjon, Turkmaniston, Eron, Afg‘oniston, Qozog‘iston kabi qirqdan ziyod mamlakat korxonalari ishtirok etmoqda.
Chilonzor tumani “Yakkabog‘” mahalla fuqarolar yig‘inida “Erta turmush qurishning salbiy oqibatlari” mavzusida davra suhbati tashkil etildi.
Poytaxtimizning Bobur nomidagi madaniyat va istirohat bog‘ida xotin-qizlar o‘rtasida marafon o‘tkazildi. “Xalqaro aholishunoslik kuni”ga bag‘ishlab tashkil etilgan mazkur musobaqada xotin-qizlar qo‘mitasi faollari, diniy ma’rifat va ma’naviy-axloqiy tarbiya masalalari bo‘yicha maslahatchilar, uy bekalari, o‘quvchi qizlar ishtirok etdi.
“Sog‘lom avlod” muxbirlari xabarlari asosida tayyorlandi.
