“СЕЛЬФИМАНИЯ”ГА ҚАРШИ ДОРИ ИШЛАБ ЧИҚАРИЛДИ
Британиянинг “AntiSelfieTabs. com” интернет-дўконида “сельфивандлик”дан азоб чекувчилар учун ҳапдорилар сотувга чиқди.
Ялпиз таъмли дорилар даволовчи хусусиятга эга эмас. Улар фақат нафасни тозалайди. Бироқ ўзларини жуда кўп суратга оладиган кишилар учун ҳазиломуз совғага айланиши мумкин.
Дорининг тавсифида унинг хусусиятлари санаб ўтилган. Булар хусусан, арзон нарх, ўзига хослик ва янгилик, шунингдек, аноним равишда жўнатиш имкониятидир. Мутахассислар селфига ишқибозликдан халос бўлиш учун ушбу ҳапдорини тавсия этмоқда.
