Қишлоқдаги замонавий таълим маскани
Фарғона туманидаги 31-умумтаълим мактабида 340 нафар ўғил-қиз замонавий шароитларда таълим-тарбия олмоқда.
Сой бўйи қишлоғида жойлашган мазкур мактабда табиий ва аниқ фанлар, хорижий тиллар чуқурлаштирилган тарзда ўқитилади. Бу ерда таълимнинг илғор педагогик тизими самарали йўлга қўйилган бўлиб, дарс жараёнида замонавий ахборот технологиялари, кўргазмали воситалардан кенг фойдаланилмоқда. Ўқув-лаборатория, компьютер ва фан хоналари, ахборот-ресурс маркази барча ўқув жиҳозлари билан таъминланган. Маданий-маърифий тадбирлар ўтказиладиган муҳташам зал, спорт мажмуаси ўқувчилар хизматида.
