SPORT TIBBIYOTI MARKAZI OCHILISH ARAFASIDA
Yangi tashkil qilinayogan Respublika sport tibbiyoti ilmiy-amaliy markazida Germaniya, Rossiya, Janubiy Koreya kabi qator davlatlardan taklif etilgan yetakchi shifokorlar faoliyat olib boradilar.
Bu haqida O‘zbekiston Milliy olimpiya qo‘mitasi raisi Mirabror Usmanov ma’lum qildi. Uning aytishicha, poytaxtimiz markazida qad rostlayotgan ushbu nufuzli tashkilotning yangi binosida Milliy Olimpiya qo‘mitasi huzuridagi Respublika sport tibbiyoti ilmiy-amaliy markazi ham faoliyat olib boradi.
“Olimpiya o‘yinlari dasturiga kiritilgan sport turlari bo‘yicha terma jamoa a’zolari ana shu markazda tibbiy ko‘rikdan o‘tadilar.
Bu yerda eng so‘nggi tibbiy uskunalar o‘rnatiladi. E’tiborlisi bunday jihozlarga ega tibbiy markaz dunyoning sanoqli davlatlaridagina mavjud.
T.ORTIQOVA
