MTMda bellashuv
Bolalar turli o‘yinlar orqali dunyoni anglaydi. O‘yin ularni ham jismonan, ham ma’nan yetuk bo‘lishiga hissa qo‘shadi.
Toshkent shahar Uchtepa tumanida joylashgan 328-MTMda “Sog‘lomjon – polvonjon” shiori ostidagi musobaqa ham ana shu ezgu maqsadlarni ko‘zlagan holda o‘tkazildi. Tayyorlov guruhidagi bolalar: “Chempionlar” va “Elburs” nomi bilan ikki guruhga bo‘linib, o‘zaro kuch sinashishdi. Tashkil etilgan musobaqa shartlari bir-biridan qiziqarli va shiddatli tarzda o‘tib, bolajonlar bellashuv orqali o‘zlarining nechog‘li epchil va chaqqon ekanini namoyon etishdi. Sport bayramiga taklif etilgan mahalla faollari, ota-onalar so‘zga chiqib, bolajonlar tomonidan tayyorlangan quvnoq bellashuv haqida o‘zlarining iliq fikrlarini bildirishdi.
Tadbir so‘nggida muassasa rahbariyati tomonidan ishtirokchi bolajonlarga esdalik sovg‘alari topshirildi.
Shahnoza KARIMOVA
