YAXSHIYAM BAXTIMGA OYIM BOR
Hamisha sevuvchi, suyovchi,
Doimo yo‘limga intizor.
Men uchun o‘rtanib kuyuvchi —
Yaxshiyam baxtimga oyim bor.
Bilaman, ba‘zida dunyo keng,
Sir emas bo‘ladi u goh tor.
Umrimning ma‘nosi baxtga teng,
Yaxshiyam baxtimga oyim bor.
Samimiy, muloyim, mehribon,
Hammadan yaxshidir, betakror.
Farzand deb qalbi ham bir ummon,
Yaxshiyam baxtimga oyim bor.
Iroda MAHMUDOVA
II-bosqich talabasi
