QUYOSH VANNALARI QON BOSIMINI TUSHIRADI
Quyoshli kunlarda toza havoda sayr qiluvchi va ko‘p piyoda yurishni xush ko‘ruvchi insonlarning qon bosimi doimo me’yorda bo‘ladi. Aksincha, kun davomida televizor yoki kompyuter oldidan uzoq vaqt ketolmaydigan va diqqinafas xonada o‘tiruvchi odamlarning esa qon bosimi ko‘tarilib turadi. Bunga ajablanmasa ham bo‘ladi. Chunki, bir kunda 10 km.gacha piyoda yurish tanadagi ortiqcha xiltlarning erishiga sabab bo‘ladi. Natijada qon tomirlar elastik (qayishqoq) va eguluvchan bo‘lib qoladi. Bundan tashqari quyoshli kunlarda oftobning foydali ultrabinafsha nurlari qonda azod oksidi miqdorini oshiradi. Bu esa o‘z navbatida qon tomirlarini kengaytirib, arterial qon bosimini tushiradi.
Gulchehra ShIRINOVA
