Ҳайдовчилар учун мобиль дастур
“Йўл ҳаракати қоидалари, тестлар, жарималар” деб номланган ушбу дастур андроид платформасидаги смартфонлар учун мўлжалланган бўлиб, ундан ҳайдовчилар учун барча зарур маълумотлар ўрин олган.
Жумладан, Ўзбекистон Республикаси “Йўл ҳаракати қоидалари”нинг тўлиқ ва энг сўнгги матни, йўл белгилари, жарималар ҳақида маълумотлар дастурга киритилган.
Бундан ташқари, ҳайдовчилик гувоҳномаси олиш учун имтиҳон топширишдан аввал дастурда мавжуд бўлган тест саволларидан фойдаланиб, ўз билимингизни синаб кўришингиз мумкин.
Шунингдек, дастур ёрдамида “VIN” кодлари, автомобиль рақамларидаги ҳудудлар бўйича кодлардан бохабар бўлиш мумкин. Дастурдаги божхона ва шина калькуляторлари ҳам сизга асқотиши турган гап.
Дастурни “Google Play”дан бепул юклаб олиш мумкин.
