Kulgu – shifo
Ikki ruhiy xasta bemor film tomosha qilib o‘tirishardi. Biri ikkinchisiga dedi:
– Ming so‘mdan garov o‘ynaymizmi? Yigit, albatta, ko‘prikdan o‘zini suvga tashlaydi !
– Tashlamaydi.
Garov o‘ynashdi. Yigit haqiqatan ham ko‘prikdan o‘zini suvga tashladi. Yutqazgan jinni asta cho‘ntagidan ming so‘m chiqarib sherigiga uzatdi.
– Kerakmas, – dedi sherigi. Bu filmni ilgari ko‘rganman.
– Men ham ko‘rganman, ammo ikkinchi marta ham o‘zini suvga tashlashiga ishonmagan edim.
***
Professor talabalarni bemorlar yotgan xonalar bo‘ylab olib yuribdi.
– Tajribali shifokor bemorning ko‘rinishiga, ko‘zlariga, rangiga qarab, kasallikni aniqlay oladi. Masalan, mana bu bemorning tashqi ko‘rinishiga ahamiyat beringlar. Uning ko‘krak qafasi kengaygan. Odatda bu xastalik musiqa asboblarini puflab chaladiganlarda uchraydi. . .
U shunday deya, bemorga yuzlandi:
– Xo‘sh, ayting-chi, siz chindan ham biron musiqa asbobini chalasizmi?
– Ha, albatta, to‘g‘ri topdingiz, professor.
– Ana, ko‘rdinglarmi? – xursand qarab qo‘ydi professor talabalarga, keyin yana bemorga qaradi. – Qani, ayting-chi, qanday musiqa asbobini chalasiz ?
– Nog‘ora chalaman…
